Unda - Stell der vor lyrics

Intro: Stell der vor er landet uf eusem Planet überlegg der mal was er dänn da gseht Kei ahnig öbs sie git, kei ahnig öbs scho da sind Aber stell der vor er landet und gseht dä ganzi Wahnsinn Er bliibt e chli da und luegt sich das ah Demit er eusi Spezies guet cha verstah Er notiert sich jedes Detail woner gseht Und brichtet regelmässig a sin Heimatplanet Strophe 1: Bi guet acho ha s'Ruumschiff under dä Erde versteckt Bald druf abe hani au scho die erschte Erdling entdeckt Ihres Verhalte erinnered a das wo mier vo Affe känned Sie verschwändet ihri Ziit mit öppisem wo's Schaffe nänned Leider muessi zuegäh da**is wükli nüm kapier Irgendwie sind all versässe uf so Münze und Papier Es schiint e so als ob wäg dem kei Fründschaft existiert Meh nännts übrigens Gäld, ich ha gründlich recherchiert Dänn glaubeds na a Fabelwäse wo sie Götter nänned Irgendwie füehrt das zu Chrieg und cha ganzi Völker tränne Generell suecheds underschied anstatt das wo verbindet Hunderti Sprache chönd Kommunikation verhindere Sie händ verschideni Haar- und Augefarb aber das isch gliich Nur bi dä Huutfarb gits schiinbar kra**i Underschied Dä einzeln zellt zwar nüt trotzdem luegt jede für sich Ich mäld mi wider sobaldi meh gseh und begriif Refrain: Stell der vor er landet uf eusem Planet überlegg der mal was er dänn da gseht Er chunt da ane vo ganz wiit e weg Und glaubsch wükli da** er bliibe wet? (No No) Strophe 2: Bin grad fertig mit dä Umrundig vo dä Erde Alles gseh vom Meeresgrund bis zu wunderschöne Berge Eigentlich wär dä blau Planet ächt es chliises Paradies Nur gsehni grauehafts Elend nur wenigi sind riich Was irritiert wills eigentlich gnueg Ressource het So da** niemer müesst arm si, verhungere oder verdurschte set Aber Sie nutzed sich nur uus zum immer na meh z'produziere Und wänd das trotzdem als s'beschte System propagiere D'Liebi wird verbotte wänn sie vom gliiche Gschlächt isch Chum zum glaube: Frau und Maa sind nöd mal gliichberächtigt Ich gseh so viel Ha** i dene mänschliche Gsichter Sie händ Angscht vorenand und wänd Gränze errichte Sie gsehnd sich sowohl als Hänker und Richter Und heted meh als gnueg Waffe zum d'Mänschheit z'vernichte Keis Wunder, sälbscht mit Chrieg wird Gäld verdient Politik betriibe wer profitiert und d'Wält regiert Trotzdem glaubeds tatsächlich sie seged frei Und ihri Telefon so smart aber nur für d'NSA Zerstöred dä Planet wills d'Situation nöd verstönd Unds ne gliich isch was kommende Generatione hinderlönd Trotz allem gsehnd sie sich als Sinnbild vo Sitte und Ethik Glaubed ernschthaft sie seged e entwickleti Spezies Ha würkli langsam gnueg vo dene komische Mänsche Alli Infos sind gsammlet, die Mission isch beändet Refrain: Stell der vor er landet uf eusem Planet überlegg der mal was er dänn da gseht Er chunt da ane vo ganz wiit e weg Und glaubsch wükli da** er bliibe wet? (No No) Outro: Wär er da blibe mier heted alli chönä profitiere Es neus Gsellschaftssystem het er chönä offeriere Heilmittel für Chrankete und technische Fortschritt Aber er isch längscht weg us em Orbit Er gseht fascht kein Underschied zwüschä Mänsch und Schimpans Z'viel Emotion länkt dä Verstand Und die ander Hälfti dänkt mit em Schwanz Debi het nur es bitz Verständnis verlangt Er het eus chönä heile will die Mänschheit isch chrank Und mier wäred ihm verpflichtet zu unändlichem Dank Mier heted ihn nur abgschosse oder is Gfängniss verbannt Er isch andersch als mier– und was Främd isch macht Angscht Scratches: Es ist schon seltsam schau ich mir diese Welt an