T-A-G - هى فين lyrics

Verse 1 : Priesto سنة 90 اتولدت شوفت كل حاجة بايظة شوفت ناس دايما قاسية ناس على ضميرها دايسة كدب و خيانة فى سراب و الحقيقة دايما فانية شوفت الاسرة الفقيرة البتحسب كل ثانية شوفت السعيد من بعيد بيتمتع بطعم الدنيا شوفت المريض الحزين البتنزل من عينه الدمعة شوفت الطفل اليتيم مش لاقى ايد المساعدة شوفت حكومة شعب كامل شايلة ايدها من القضية شوفت خصخصة حكمنا للحضارة المصرية شوفت الشهيد الدمو راح فدى للوطنية شوفت بلاد بتروغ اشعات جرت فتنة طائفية شوفت دم المحجبة الراحت ضحية شوفت الخاين الجبان بيتحصن خلف السرية شوفت نفسى مسجون ورا مراية كانت غبية صورتلى المشاهد ضمرتلى الهوية و راحت كل حاجة حلوة جوة مصر العفية Chourse X2 : Priesto هى فين صورة البلد الانا حلمت اكون ابنها هو فين طعم المعيشة الاتمنيت اكون شوفتها شعب راضى بالاهانة راحت فين عزة نفسها حاكم و يتم بلد على حساب ناسها و اهلها Verse 2 : Romel B مرحبا بيكو فى اكتر سنة فيها احكام اعدام مرحبا بيكو فى اكتر بلد فيها ربابيكيا فى الاعلام مرحبا بيكو هنا عندنا دة كل مكان ملوث اتفضل يا باشا الشعب الانت كنت عايزو مفلقس فكلو دلؤتى مطاطى وراضى زى الكلاب ورا المسارى فى بلادى يتقل مقدارى مع كل فكر جديد يتم اتهاضى اجهاضى زى الجنين مصر ام الدنيا فين حضارة تاريخ من سنين على الماضى عايــــشين فانا مش عايزك تبكى معئنى انتى منى مجروحة مش انتى البتئسى مش ذنبك دة ذنب الحكومة المشؤمة بلد اتملت كروشها بالمعونا طب فهمونا ازاى الناس فى جحور الذل و الفقر مدفونا ؟ فانا ابن مصر ابن القاهرة العاصمة ايوة بنقد بلدى لان محبش اشوفها كدة فمصر مننا مصر فى دمنا مصر هى ارضى بلدى البنزرع فيها حلمنا Chourse X2 : Priesto هى فين صورة البلد الانا حلمت اكون ابنها هو فين طعم المعيشة الاتمنيت اكون شوفتها شعب راضى بالاهانة راحت فين عزة نفسها حاكم و يتم بلد على حساب ناسها و اهلها Verse 3 : Tag عايش فى النار بتغلى دوامة الذل تهرى حاسس بعجز بدنى مين السم النيل فى بلدى مبقتش تفــــــــــرق مين الكان بيخاف عليها مين قادر يحميها مين الدمو روى ارضيها مبقتش افكر حتى فيها دموعى جفت شافت الظلم بيتجسد حولين حلمى بيتفتت اشلاء الفكر بيتشتت خلو عيون الفقر تمدد على ايام تسود ايوة عــــــــــــــــــادى انك تستحمل شايف الضلم فى بلدك لكن حدود الذل فيها هتكيت جدار فى صبرك الوان اهانة فى مركب محسساك انك فى قبرك وباء بيجيب فى اخرك يطعن خنجرو فى ضهرك و ياريتها حاسة بيك لما كنت فيهابتتغرب دة لما اليوم بيعدى نهايتك فيها كانت بتقرب يعدى اليوم عليك تكون تايه سارح مستغرب تقول اه يا بلدى يما ذوقت السم و مش بهرب ترود تقولك يابنى دة لسة الجاى اصعب Chourse X2 : Priesto هى فين صورة البلد الانا حلمت اكون ابنها هو فين طعم المعيشة الاتمنيت اكون شوفتها شعب راضى بالاهانة راحت فين عزة نفسها حاكم و يتم بلد على حساب ناسها و اهلها