Susanna Blamire - The Siller Croun lyrics

And ye shall walk in silk attire, And siller hae to spare, Gin ye'll consent to be his bride, Nor think o' Donald mair. O wha wad buy a silken goun Wi' a poor broken heart! Or what's to me a siller croun, Gin frae my love I part! The mind wha's every wish is pure Far dearer is to me; And ere I'm forc'd to break my faith, I'll lay me down an' dee! For I hae pledg'd my virgin troth Brave Donald's fate to share; And he has gi'en to me his heart, Wi' a' its virtues rare. His gentle manners wan my heart, He gratefu' took the gift; Could I but think to seek it back, It wad be waur than theft! For langest life can ne'er repay The love he bears to me; And ere I'm forc'd to break my troth, I'll lay me doun an' dee.