Razor Records - Story/قصة lyrics

[Intro: Fairuz] قصّة، قصّة، قصّة، قصّة، قصّة، قصّة بشعة كثير قصّة، قصّة، قصّة، قصّة، قصّة، قصّة بس هيك بتصير [Verse 1: Adamy] نحكي قصة تبكي العين، قصة شاب في حي فقير هو و خوته عاش تربى، و بوهم ميّت بيه سنين امه رباته و كبراته، و زادت وراته طريق الخير لكن لما طلع للشارع، يشوف في خبث و شر كبير يشوف في مجتمع امسخ إلا من رحم ربي يشوف في فروخ صغار، تعبي و اللي يهبي و اللي يسربي و اللي يخنب، جيبه يعبي، و اللي يقضي للمصدي [واللي ستغول ولا حربي، شاد سيوفه [؟ صاع، ضاع، ما احسنش الإختيار بسرعة للشيطان استسلم، و انجرف مع التيّار ابدي في الشارع ليل نهار و قلبه مندى والع نار و اتخذ القرار، بيولي واحد من الأشرار من السبسي و انزل لوطا، ابدي في انواع السم يجرب من امه من خوته ابدي يبعد من اصحاب الشر يقرب ضربه فايروس المشاكل، ولا رديف يُفك يخرب خش للحبس أكثر من مرة، و من البوليس ابدي يتهرب هربت عليه، ضيّعوه اصحاب السوء باعوه بسرعة مروّح من الحبس مضّايق،، يبي ينسى زاد الجرعة ولا يرعى امشي لحوشهم، شاف خوته و الناس متجمّعة في عينه الدمعة، اسألهم جاوبوا، امك ماتت من الخلعة و ابكي بدموع الدم و علي كل دقيقة في حياته بعيدة علي ربي، اندم وقت اعرف قيمة الأم ركبه الهم قعد بروحه و مافاتش حتى شهرين، ملك الموت قبضله روحه [Hook: Fairuz]x2 قصّة، قصّة، قصّة، قصّة، قصّة، قصّة بشعة كثير قصّة، قصّة، قصّة، قصّة، قصّة، قصّة بس هيك بتصير [Verse 2: Philosopher] لما اقرب صاحب ليك، يغدر و يخون العيشة الحلوة و المرة، عليه تهون لما الناس الصحبة و الجيرة، معاد تصون ناس ضمايرها غابت، ناسية قانون و لما الصاحب يغدر بالصاحب، والسبب هو المال اختار اقرب صحابه، و حطه اليوم في البال من غير سؤال، قرر و في كل الأحوال الغاية تبرر الوسيلة، حتى لو الدم سال الطمع و الجشع، خلّى قلوب الناس تقّسى ادمّر و تهدّم اللحظة الحلوة المقدّسة خلوا الخبزة و الملح، الناس تنسى و الذنوب خليها تتراكم، خليها مكدّسة ناسي التقوى و السعي، للعمل الصالح مايبيش يكون بار، اختار يكون عاصي، يكون طالح [؟] هو لاهي في شهواته كل يوم مروّح كالح قصّة انقولهالك باختصار اختار اللحظة مع سبق الإصرار ما احسنش الإختيار هذا صاحبه و اقرب جار ناسي كيف كانوا يا صغار كيف كانوا نفس الأفكار من غير ما يحسب، يسحب كلك، تسمع طلقة نار هذا اللي صار مارتاحش لين نهاله حياته مافاقش من اللحظة، لين سمع سكاته بعد ما الآوان فات، يفتش في خزناته القي صاحبه كاتبله شيك، بش ينسى اللي فاته [Hook: Fairuz]x2 [Outro] من اللي قاعد يصير سبب الناس ماتؤمنش بالمصير لما يسود القلب، مايرحمش لا كبير لا صغير هيدي عم بحكيلك قصّة بشعة كتير عن حال هيدي قصة معقولة كل يوم تصير عن حال هيدي عم بحكيلك قصّة بشعة كتير عن حال هيدي قصة معقولة كل يوم تصير عن حال دوام الحال من المحال عن حال مني قال؟ في لحظة تتبدل الأحوال عن حال في اللي يجمع في الأموال، في اللي يجمع في الأعمال عن حال ناسيين الدين، مش فايقيين خلاهم في الدنيا لاهيين Adamy ،فيلسوف هيدي عم بحكيلك قصّة بشعة كتير بس هيك بتصير