Raouf BKL - Fik / فيق lyrics

[المقطع الأول] ليام آي تعدّي و في حياتك شي ما تبدّل تكبر في نهار كلي في فيلم تمثّل في دور السعيد ، تغلّط بيه حتى ابليس تكذب بيه على روحك و نتا من داخل تعيس قلبك حزين و اليأس فيك يهدّم هذاك هو الإحساس الوحيد لي بقى فيك يخدم كي الشيطلن يخدّم ، باه تنسى تعمّر راسك هكا صغرك ضاع تخطّط لكبرك في بلاصتك تحلم و تفكّر في خيالك تبني قصر غير تفطن تلقى الواقع يضربهولك في الصفر تصبر ولاّ تكفر ، نفس السؤال المطروح الفقر آو فيك يقوبر ، واش تدير و واين تروح ؟ ريحة الشر تفوح ، لي عندو سوردي يسوى سوردي و نتا محرّق و مجروح في زمان كح و عدّي خلاّك ناقم عالبلاد ، ناقم عالعباد ناقم على حياتك و على روحك نقمة تاع كلاب [اللازمة] فيق على وضغك فيق فيق على وضغك (فيق فيق فيق فيق) كون تطيح بيك الدنيا ما تلقاش شكون لي يهزّك (فيق فيق فيق فيق) فيق على روحك فيق فيق على روحك (فيق فيق فيق فيق) من غير جيبك و ذراعك واحد ما يداوي جروحك (فيق فيق فيق فيق) [المقطع الثاني] عايش نهارك ليل و ليلك نهار عايش كي الفومبير تمص في المرار تاع هاذ الدنيا الكلبة لي عطاتك بالظهر مرّة تحصّل في المكتوب و مرّة تحصّل في الزهر كاره ، بين حيوط الحومة دافن روحك في راسك حرب أهلية بينك و بين روحك تكدب على روحك و توصل تصدّقها تالمون تكره روحك كون تلقى تبزقها قـنـعـتّـك ليامات بلّي زهرك مات بلّي طيحك في بلاد يعيش فيها غير الشيات Cercle vicieux بلّي عايش في سيستام حصرك في A p'tit feu حطّملك الأحلام و يقتلك فيك خــلاّ لـك ضـميـرك يبانلو كلش نــورمــال تسرق نــورمــال , تخدع نــورمــال تبيع السم نــورمــال, وبحياتك تريسكي الـمـهـم كـيـمـا الـكـبـــار تـصـوّر الـتيـكي [اللازمة] [المقطع الثالث] فيق على وضعك قبل ما يزورك عزرائيل تبدّل و تنقذ روجك ، مشي حاجة مستحيل قدّاه سنة مع الهموم ، حاصل في قاع البير ما جبذوك منو لا صحاب ، لا مسؤول ، لا عقاقير فـــيـــــــــق ,و تـوكّـل عـلـى ربّـي يـعـاونـك كون ما تديرش خطوة القدّام وحدك تبقى في بلاصتك ما تكونش في دفار السردوك الريح لي يجي يدّيك حتى عدوك قادر يكون من أقرب الناس ليك ما تخدع ، ما تمّن لا في قريب لا في غريب كي ترقد غمّض غير عين وحدة كي الذيب لكان عـالصحبة الغدّارة تجي وتروح مع الجيـب ولكان تمشي فهاذ الدنيا بالـنـيـة تـربـح الــعيـب الـعيــب ,مـاشـي فيـك فلّي سـرقـو حـقـوقـك فـلي درت فـيـهـم لـمـــان و مـدّيـتـلـهـم صــوتك مـا تبكيش عـلي فــات لـي مـا يبـكي على مـوتك و فــيــــق عـلى روحـك قـبل ما الزمــان يفـوتك [اللازمة]