Polo Hofer - Telefonschatz lyrics

Si het e Job bi dr Swissair, sie flügt i dr Wältgschicht umenand Sie kennt sech us uf jedem Flugplatz, sie chunnt druus i jedem Land Vo Hongkong schickt sie mer e Charte, vo Stockholm, Kapstadt, Mexico U mi, mi laht sie hie la warte ufenes Müntschi oder so. Sie chunnt zwar öpe einisch hei, aber das ou nume zwüschedry U chunnt sie ändlech zue mer, geit üsi Zyt so schnäll verby Bis sie wieder muess verreise im Düsejet mit Überschall U dr einzig Wäg woni sie erreiche isch per Ferngschpräch öpemal. U wieni's ou probiere Es schynt alles isch für d'Chatz Es blybt mer nüt als telefoniere U sie blybt my Telefonschatz. (Instrumental Break) All mys Gäld verschwindet, es landet uf dr PTT I cha sie nume ghöre, cha sie nid häbe u nid gseh Vo Frisco schickt sie mer e Charte, vo Amsterdam u vo Rio Und i muess hie z'Bärn warte ufenes Müntschi oder so. U wieni's ou probiere Es schynt alles isch für d'Chatz Es blybt mer nüt als telefoniere U sie blybt my Telefonschatz. Ja, u wieni's ou probiere Es schynt alles isch für d'Chatz Es blybt mer nüt als telefoniere U sie blybt my Telefonschatz. Wieni's ou probiere Sie blybt my Telefonschatz U sie blybt my Telefonschatz