Ousanousava - Oté la line lyrics

Oté la lyn dia mwin ousa tilé Amwin mwin lé asiz dosou pié'd pryn Disi mi antan la viey pléré Yèr o swar non pli outé pa la E mi avouk mwin té trist Mwin té koum tang somin Gran Bwa Koum in chien'd sas la perd la pis Oté la lyn fé dia mwin oussa oulé Koté la kaz dand fon la ravyn Krapo i sant la pli pa lwin tonbé A swar do bwa lé mouyé Na pwin non pli pétrol Po mèt dan la lanp E koum ti sèr li giny pa travayé Li dia mwin Li anvit abit sé son matant Pésèr la beswin a toué Po li konèt la maré Zarab la po rod a ou Po li fé son kalandrié La o kiltivatèr la beswin planté A mwin dosou pié'd pryn mwin la pèr Pars minui la pa lwin soné Oté la lyn asé kamouf a toué Oté la lyn mé oté mystèr bondié Oté la lyn domin kisa va éklèr mon santié Ousé lo sèl limièr ké la komyn léta la syans i giny pa fé payé Oté la lyn dia mwin ousa tilé Oté la lyn la viey i vièn arèt pléré Somanké a ou si tèt bien ou lé amourèz Vié moun idi Lamour koum bébèt larzan Koum in trèf kat fey In mant relizieuse Oté la lyn fé dia mwin ousa tilé Oté la lyn déor i fé nwar déor i fé fré Oté la lyn bana la ferm la port aklé Oté la lyn minui la pa lwin soné Oté la lyn mé asé kamouf a toué Oté la lyn faryn la pli la fyn arivé Oté la lyn somanké mové zam la fini levé Mi antan deryèr pié gouyavié Koum si in boug la po marsé Idi rod somin po pasé Rod somin po kouri Gard kisa la po marsé In petèt boug la la tèt li na pi Idi bat dosi la port é fé lèv out momon Bat bat bat bat dosi la port Diali déor na volèr zanfan Ti frèr ti sèr i plèr Na pi do lo na pi kouran Déor mon kèr i sèr Dand kouran dèr lodèr mové tan Idi ou dor deryèr la mèr Koum marmay dand do zot momon Léklips soley out lyn do myel Dand cyel zétwal out band zanfan Auteur compositeur: Frédéric JORON