Mani Matter - Betrachtige über nes Sändwitsch lyrics

Was isch es Sändwitsch ohne Fleisch? – S'isch nüt als Brot! Was isch es Sändwitsch ohne Brot? – S'isch nüt als Fleisch! Ersch wenn d'mit Fleisch dys Brot beleisch Ersch wenn'd mit Brot umgisch dys Fleisch Bechunnsch es Sändwitsch: Brot und Fleisch! Lue, da** du däm geng Rächnig treisch Und zwar isch's wichtig, da** du folgendes o weisch S'gnüegt nid, da** du ds Brot eifach underleisch im Fleisch S'bruucht eis Brot undefür, versteisch Und eis wo d'obe drüber leisch Nume wenn d'so drahäre geisch Bechunnsch es Sändwitsch – eis mit Fleisch! Ds Problem vom Anke chäm, das stimmt, de no derzue S'geit drum, ne ja nid uf die lätzi Syte z'tue! Du gsesch, du issisch, du Barbar Und füllsch dy Buuch und wirsch nid gwahr Was im'ne Sändwitsch uf dym Tisch Für Dialäktik drinnen isch – Für Dialäktik drinnen isch!