Mani Matter - Der Ferdinand isch gstorbe lyrics

Dr Ferdinand isch gstorbe, ojeh, ojeh, ojeh Dr Ferdinand isch gstorbe, es tuet mer hütt no weh Är wo so vil her gworbe um Liebi im Quartier Dr Ferdinand isch gstorbe, das arme Tier Win i doch geng mys Goudi am Ferdinand ha gha Eson e stolze Moudi wird nie meh öpper ha Geng d'Liebi het ne tribe, nie ds Müüs- und Vögelfah Är isch mys Vorbild blibe, dä Chatzema Wen är sys unbeschwärte ganze Läbbe lang Het gsungen i de gärte und nüt als Minnegsang De ischs im albe glunge ds Härz z'rüere vo sym Schatz Är het für d'Chatze gsunge, doch nid für d'Chatz So het är ou am gröschte Nachwuchs ds Läbbe gschänkt Das tuet eim albe tröschte wo a sys Stärbe dänkt E huufe Ferdinändli spaziere no dür d'Stedt Sit das ne dr Herr Brändli erschlage het Dei Lüt me sött se strafe, verschliesse ds Härz dr Kunscht Si wei geng nume schlafe und hei ke sinn für d'Brunscht So het ou dr her brändli mit emne Topf für d'Nacht Däm arme Ferdinändli es Ändi gmacht Dr Ferdinand isch gstorbe, ojeh, ojeh. ojeh Dr Ferdinand isch gstorbe, es tuet mer hütt no weh Är wo so vil het gworbe um Liebi im Quartier Dr Ferdinand isch gstorbe, das arme Tier!