Majnoon [BT] - الصيدلي في الجزائر lyrics

[Intro] الراااازي هاد الصوون 100 % من قلبي ينقاس بسلم ريشتر 64 دقة ماشي قضية بوووز قضية وقت نتا علاباللك مليييح مع التالي في الحبس شكووون لي يبقى [Couplet] اليوم ماشي زرنا اليوم المجنون زارني دوك نحكيلك بالـ ب وت واش بزقلي فالكارني كي العادة قالي غاني ، قتلو قولي التّـام قالي نرابي بلا بيه ، نديتيكتي غير اآلام و نحكي الفيكي و نحكي غير لا رياليتي خاطيني لا ريال مدريد نحب الجمعية و لابيتي مادام هكدا نبدا الغنية اليوم بـ فيــريــس كلش يجوز و تولي و نرعدوها بـ براتا بي-او-آس خلاص كرهت لوكان نصيب كيفاش الوقت يغاولوه لي زادلي القنطة ، كي سمعت خبر جبنطة كي غولوه راني متمني الطرش ولا نسمع كي يحاكموه و راني متمني العمى ولا نشوف خويا كي ربطوه ربي معاك و يخفف عليك من قلبي ليك نوعدك نحارب قاع لي حبو يديرو الطريق بيك ربي معاك علابالي الدخلة واهرة لديك الجيهة كلش يجوز صديقي و غير الخرجة لي فيها ماشي آنسبيراسيون سميها المجنون كي يجي ليا ماكاش لي يفرحك بهدرة غير لي فمو مجيريا بالاك على قرايتك نعرف نخلصلك كورسا لـ لا شين لا حبيت علم الراب عندي ما تشقاش للصين فكار التازموليت واش عليه يديه التيار و فكار الرجلة غير سمان باش ما تطيحش مالسيار نتايا كثر من خويا لوكان نتحدو نقعرو الدنيا دوماج كي طفل زامل يضل يدور فيك عليا جد يمات هاذ الراب خسرني عطيتو ما عطاليش خسرت صوالح باش ننصحكم باش ما تعانيوش درتو رايكم آآآآه؟ ما سمعتوليش ما نقولش تشهرت ، نحرقت فيها ريسك نخطب ما يمدوليش تسمع باباها انت مهبول نزوج بنتي لمغني و زيد مجنون حتى يقولي خليها عندك نبقى نغني في قلبي ماتو لي سونتيمون بقاو برك لي سونتيماتر بصح كي يجيني لامور ما نستعرفش ب ليكيلومتر الحياة كي الدامة ماشي لازم كل يوم الديم تالمون لاروتين ولينا نقولو كاش قديم كي يكون كاين جديد اسمع فلان يا الدولة داتو يا خانتو صحتو يا ربي دا أمانتو كلش فاني قولي واش من الفايدة تكون ميسكلي واذا حبيبك هرب واش مالفايدة تكون مرسلي الجيران قطعولنا البالونات بورتون طلبنا السماح كانت في فايدتنا باش البراني عالحومة ما يتلاح بزاف صوالح كنا صغار قساو علينا بصح كي كبرنا فهمنا علاش بكينا و بلي مليحة لينا نتحي للـ جيل دور لي يجوز مولود بالبازوكة يعيي جيل دوك لي تالمون يبزق سقط البازوكة في هبالي نتزوج بوحدة تديرهم قاع و جادور لي حابة تدخل للحفرة و تحضر للهول مع السالفادور كي تجي تشوف خيرمن وحدة تتنوفق بنت فاميليا في هبالي بيتبول في بلاصة صاحب طامع يربح الدنيا حط كلش من يدك اسمعني و حس بيا كونصونطري مليح معايا باش تقدر تفهمني شويا نحبك كيما كي تشوف باباك كي تسمعني طفي قاروك و نتي نحبك كيما ختي تقادري قلبلي خوك نضل ندير ف لي كوشمار بورتون ما ناكلش بزاف خيرها ف غيرها ماشي اليوم غدوة يتحقو مي راف مولاها ربي يا بابلو شحال نعيا نقولهالك و كل ما يجرحك كاش رخيص زورني نعاودهالك ماشي ساهلة تقلع فالراب و ما تكاليش طايح لامافيا و انت لوكان يجيبولك كبش ما تكيهش ماعليش و كي مانكونش هنا خليه يدير رايو ولا بيتي كيما عنابة كي تجي جيب معاك المايو الوقت سرقني و شحال من ساعة دا بالكأبة حي حاب نموت بالسعادة غنايا يخوف لا تيفي بيبي تنكر و الحقيقة لي نقولهالك جامي نديرلك فيها السكر [Outro] Yaww ... Blidian Thugs ... Blidian Thugs ... 2016 Blidian Thugs ... aaah 2017 Blidian Thugs ... Dédicace li nsaw rap dz ... wa ga3 lehbab li y7abouni Tranquilizanté