m**m - 7ob lwatan ( حب الوطن ) lyrics

تم شرح و إضافة هذه الكلمات عن طريق الفريق العربي لموقع راب جينيوس ، انضموا إلى صفحتنا في الفايسبوك من هنا [المقطع الاول] صعيب تبغي بلاد ما عندك فيه حتى الردمة عطاك البرد و الجوع و ما عطاك الخدمة إذا كنتي باغي تعيش خلص الضو و الما إذا كنتي باغي تموت موت فالظلمة ملي كنتي صغير و نتا ترسم فالنجمة دابا ملي كبرتي كبرت معاك وشمة نجمة دايما فوق عالية فالسما و أنت فوق الأرض مكالي غير بالزتمة يمكن شي نهار حلمتي و فقتي بالصدمة شفتي الأحلام كتموت و الكوابيس كتعدما خصك تبغي بلادك وخى بلادك غير كلمة بلادك يعني ديالك وخى غير كترسما خصك تعيش تبغيها و قلبك فحبها يعمى خصك تموت عليها وخى فيها كتدما بلاد الكوابيس تعلم تحلما بالدم و الدموع ترسم البسمة [اللازمة] (X2) بلادي ما عطاني والو باغي مني الحب و الحب من طرف واحد معلق غير فالسحب إذا غدة هب الريح و الشتا ما بغات تصب موحال الحب يعيش عايش غير بالحب [المقطع الثاني] بلادك معترف بيك بالجنسية و التعريف دبر راسك كيف تعيش مواطن نظيف لقهرة سالوا دموعك الراية ماشي زيف دموع الصيف دابا تمحيها دموع لخريف إذا بغيتي تعيش محقور و إذا بغيتي هز السيف إذا باغي تكالي السور تبع الهش و الكيف إذا كنتي باغي تثور ابلع الدروجا و الكيف جري بين الزناقي و اجمع لمناتيف نتا و زهرك الخاوة حيت القاضي ماشي شريف إذا شتحتيلو الحبة غيولي لسانو خفيف قلي إذا كان الوطن كرطون فالرصيف المواطن غيكون ظريف قلبو رهيف بزز منو يكره لبلد و ولي عنيف حيت كاين فهاذ الارض ناس عايشين فالكنيف ناس عايشين فهاذ لبلاد ما عالم بيهم غير اللطيف بالنسبة ليهم حب الوطن غير تخريف [اللازمة] (X2) [المقطع الثالث] آجي معايا ندفنو أحلامنا المقتولة آجي معايا نعدمو أحلامنا المشلولة عندناهم فأرض ما عطاتنا تا سنبلة وجد راسك لبحر حيت الفقر قنبلة و إذا كان الوطن مجرد بيبان مقفولة يعني غتعيش حياتك غير تطرطق فالقفولة إذا عشتي فهاذ لبلاد بحال رضعتي فبيتبولا خصك غيا تكبر باش قبل ما تاكلك الكولا القانون فهاذ لبلاد مكتوب بحروف ماشي مشكولة قراه كيما بغيتي و دوز العمولة حيت الشر هنا كيمثل دور البطولة قراونا كيف ما بغاو باش فالنهاية نكونوا سطولا باش عمرك ما تفهم بلي الدولة هي المسؤولة زرعوا فينا الخوف و حنا باقين فالسنة الأولى ملي كنا صغار علمتونا نخافوا من الغولة ملي كبرنا عرفنا بلي الغولة هي الدولة [اللازمة] (X2)