Hindi Lyrics - Dekh Teri Duniya lyrics

Jaane kitane dukh sah kar patthar heera banata hai Barason ki qurbaani se insaan farishta banata hai Dekhi teri duniya are dekhe tere kaam Kisi ghar mein subah kisi ghar mein shaam Dekhi teri duniya ... Ye duniya hai meet kushi ki dukh mein shaamil koi nahi Sab hain ghaayal karane vaale inamein ghaayal koi nahi Jo auron ke dard mein tadape kya aisa dil koi nahi hai -2 Dekhi teri duniya ... Ik aangan mein ujali kiranen ik aangan mein hai andhiyaara Ik daaman mein mahaki kaliyaan ik daaman mein hai angaara Apana sukh jo sabako baante dar-dar bhatake vo dukhiyaara -2 Dekhi teri duniya ... Seedha rasta chalane vaala har manzil pe thokar khaaye Sach ko duniya dhokha samajhe jhooth ke aage sar ko jhukaaye Sabaka hamadam sabaka saathi is duniya mein kuch na paaye -2 Dekhi teri duniya ... Dorangi chaal samay ki dukh mein thahare sukh mein bhaage Chaahe dukh ho chaahe sukh ho dil hai vahi jo nis-din jaage Jo karata hai jag mein aisa vo aata hai usake aage Dekhi teri duniya ...