Helmut Qualtinger - D'Hausherrnsöhnln lyrics

In Gumpendorf drunt, auf an Eck Nummer zwa Steht a dreisteckigs Haus und des ghert dem Papa! In an Zimmer do drin, steht a Ka**a allan Und den Schlissel dazu, den hot de Mama! Drum föhlt uns as ganze Joahr niemols a Göd Um dös zu verputzen sand mir auf der Wöd – Wann vom Oarbeitn gredt wird, da kriagn mar an Grant Denn unsa Vota is a Hausherr und a Seidenfabrikant Denn unsa Vota is a Hausherr und a Seidenfabrikant! In da Schul scho woarn wir a poar hautschlechte Buam Habn niemals an Gspaß und a Gaude vadurbn – Nur der Lehrer hot gsogt: "Mit eng zwa is a Kreiz Aus a poar solche Eseln wird niemols wos Gscheits!" Das hat er ganz groß auf die Tofel hingschriebn Und da** er net blamiert is, so sammas a bliebn! Glernt hobn ma nix, ober mir san arrogant Denn unsa Vota is a Hausherr und a Seidnfabrikant Denn unsa Vota is a Hausherr und a Seidenfabrikant! A Schiller, a Goethe woar niemols im Haus De kenna ma bloß vom Figurimann aus – In der Geographie wiss'ma net bis Tirol Dafir aber spül'ma sehr gut Karambol! A Theater, des is für uns d'höchste Fadess Von die Tanzschuln, jedoch, wiss'ma jede Adress – Do brauch'ma kan Geist und san doch elegant Denn unsa Vota is a Hausherr und a Seidnfabrikant Denn unsa Vota is a Hausherr und a Seidnfabrikant!