Fada Vex الشيخ مليك - Dir el makane / دير المكان lyrics

[المقطع الاول] في الطُرقان نمشي و نشوف و نيفيتي لي فيترين بين الغاشي ندير الطريق ، دوماج الجيب ماشي متين كل واحد لاهي في شغل ، ذا رايح و ذا جاي ذاك مزروب و ذاك من الدنيا راه كاره و راه عاي اسمع مليح في حياتي جامي درت لي بغيت و لي بغيت نديرهْ في الراب دارولي العراقيل ديما درت لي عليا سييت ندير البوسيبل سي فاسيل تجي مع التالي تبدأ التعاليق هذي للناس لي قالو فينا ، ما عرفوا والو علينا لي قالوا "الطوكس فيني" ، ها رانا ولّينا فادا فيكس ـ الفاكتور ، كيما ديما رضا جي و ماشين غون ما نسينا درت الراب طريق بصّح وحدة ما كفات يليق تخدم و تجيب الدورو خاطاش هو الأساس بالثقافة هنا ما تعيششْ ، كلش ولاّ كوميرس هذو غير كلمات ، من عندي أنا فيكس [اللازمة] بزّافْ الناس ماشي في بلاصتهم غلطُوا في المكانْ حتّى و لَوْ دارُوا المجهود منهم والو ما بَانْ معانا هذا ما يكون ، و ديجا عمرهْ ما كانْ كاش ما كاين راب هنا جيب نْهيّج المكانْ [سكراتش] "دير المكان" "فادا فيكس" "يحكي في أمور الحياة" "كيما ديما" [المقطع الثاني] أنا دمعتك لا بْكيت ، أنا لا ميموار لا نسيتْ أنا الغالط لي قْريتْ ، لا جامي حاجة ما ادّيتْ أنا هو لي شْكيت ، لي يرد عليا ما لقيتْ أنا لي بروبليم نجيب ، و أنا لي صنعت لا روتينْ أنا لي بلّعتْ البيبان و أنا لي سرقت المفتاح أنا لي قْطعت الضو و الما و دخّلت المدينة الفلاّح أنا حلّيت الحدود و الشبيبة راهي تروحْ أنا هو لي قْتلتْ العلم عليها المستوى طاحْ قلتلهم جيبولنا المالْ les écoles طردت الصغار من علّمتهم قاع التقفال ، قلتلهم سْنيفو لا كولْ L'hôpital و لي كوليت Les hôtels أنا لي بنيت أنا لي درت لا ميزيرْ ، من عندي قارع مازالْ [سكراتش] [اللازمة]