Fada Vex الشيخ مليك - Chkoupistane lyrics

[المقطع الأول] لا كان الزيت زاد غلطت الدولة دارت فيلمات دارونا فيلمات نهار الفوط العين بكات ما نوض الصباح نبكر نخدم الديك مات نقعد فالدار السيمانة نديرها ويك آند كيما لي تجي جات – جيل طالع بـ السيرفات يعرف للدواء خير مالطبيب الي هذي سنين شاب يعرف السيستام بلي تع شكوبيستان يعمر لقرع غير بالريح يعرف البير جاف ماشي فالليستات السكاني الي فالفيستات سيمانة نفاق و الجمعة يولي ديدات قالوا لافوين جاك هات نديروا كليبات الناس بكليك شكات نفسها الي التيكي شرات أنا مشي نسيت و ما ننسى الي نساك يا وين الحق فوق دي الأرض قولولي وين مات نعظم الأجر الضحكة ، للأمل و الإبداع نبكي علو الورث تع جدودي الي نباع [اللازمة] تحسب لمونا في ذي لبلاد قاع معروضين راهي مغبونة بينا لعباد الضحكة وين [المقطع الثاني] و يا ديوان الصالحين ديوان الصالحين الي من التالي طالع يتيري و ديما سالكين يتمنى "باربات" مشي سكنة "أف "5 تحسب الحياة كاتبها بستيلو والباك يا خويا شا داك قولي خويا شا داك لا بغيت تطير ما دير "الويسكي" بالشاربات رانا في لا "مام ميرد" ريح كونك دارقاز غير لعب تار تار انت حميدة مشي "بان تان" يا تشوف الكالبات على زواج 4*4 "يبغوا الـ "أم أل كات"، "الأودي" و" الأس أل كات لبلاد تبومبات من كل جهة و التور فات لا راك طامع غير أبدى تعلق فالكوردات "عندك الكور تع النفط و تع "الكورجات عندك إعلام "تيليغيدي" فوق اللورمات "أنت فالهاوية طايح و هو "كــول ماك لحقنا وقت النس تسقسي غي شكون مات [اللازمة] تحسب لمونا في ذي لبلاد قاع معروضين راهي مغبونة بينا لعباد الضحكة وين