Fabian Merlo - Fröhliche alte Maa lyrics

Strophe 1: Okay was hani so gmacht, ich ha vo HipHop gläbt Nachher öppis anders gfunde, s'hät tiptop gfägt Viel schöns erläbt nöd nume Schmerz und Leid Bin um die Erde greist, jawohl mis Herz isch rein Mit de Jungs underwägs gsi, lönd die Hütte bränne D'Fraue für s'Läbe gfunde, sind hüt na zäme Und statt sinnlos go Vogle hani zwei Chinde grosszoge Das isch s'bescht woni gmacht ha trotz Windle und Pocke Und nei cha nöd behaupte ich heg immer nur härt gschafft Aber ha alles vom Herz gmacht und mal ernschthaft Am Ändi vom Tag isch das s'einzig wo zellt Wänn weisch was du wottsch, nie dini Meinig verstellsch Hüt chani säge es isch guet so wies isch Luege zrugg uf die Gschicht mit paar Runzle im Gsicht Und ja klar, ich wird nöd viel hinderlah Usser Chind und paar Platte – aber immerhin das Refrain: Lueg mi ah – en fröhliche alte Maa Wo lacht im Tram am gwöhnliche Namitag Ich ha gläbt, ich ha gliebt Es isch Scheisse pa**iert Aber underem Strich bini im Reine mit mier Strophe 2: Ha immer das gsuecht woni nonig känn Underwägs gsi dur so viel Länder und Kontinänt Mim Traum gfolgt ohni Blick uf Kontoständ D'Mieti zahlt mit dem womer eigentlich Hobby nännt Has eu früehner gseit: wott nöd nur a büetz dänke E gueti Ziit verbracht als glückliche Früehräntner Au wänner er das villicht chum chönd glaube Hani tatsächlich irgendwänn mal ufghört rauche Eigentlich nur versuecht en bessere Mänsch z'sii Es isch mer scho glunge – leider nur mängisch Natürlich bini au es paar Mal uf d'Schnurre gfloge Cha zumindescht behaupte ich ha mis Ding durezoge Zwar kein Mänschefründ aber gliich paar gueti troffe Ha mi überwunde und mer mängisch Muet agsoffe Karriere machi dänn imene andere Läbe Und es gäbt da na es paar Lüüt woni Danke muess säge Refrain: Lueg mi ah – en fröhliche alte Maa Wo lacht im Tram am gwöhnliche Namitag Ich ha gläbt, ich ha gliebt Es isch Scheisse pa**iert Aber underem Strich bini im Reine mit mier Strophe 3: Wiit enfernt vo fruschtriert und altersmild S'stimmt nöd da** mer konservativ mit em Alter wird Immer na empört – cha nöd alles akzeptiere Trotz alte Chnoche d'Chraft mich z'engagiere Läbe nöd im Geschter sondern i de Gägewart Lueg gern au mal zrugg uf die viele Läbensjahr D'Erinnerige fülled e ganzi Bibliothek Muess schmunzle wänni alti Fotis und Videos gseh Los immer na die guete alte Rap- und Soul-Schiibe Hoff eifach es wird mal so wienis i dem Song schriibe Lieb mini Frau, mach alles für mini Chind Dänke a die wo vor mier gange sind Niemals wirdi all die guete Mänsche vergässe Sitze im Tram am Fänschter und lächle Bruche nöd viel und ha nur min Fridä gsuecht Lähne zrugg - und lueg mine Enkel bim spiele zue Refrain: Lueg mi ah – en fröhliche alte Maa Wo lacht im Tram am gwöhnliche Namitag Ich ha gläbt, ich ha gliebt Es isch Scheisse pa**iert Aber underem Strich bini im Reine mit mier Outro: D'Erinnerige begleitet mi bis zu de letschte Reis Danke Dabu für de Beat und au merci an Greis Merci eu fürs zuelose Das isch Träumer gsi. Mis letschte Album. Peace