Erich Buchebner - Großvater lyrics

[Strophe 1] Bei jedem Wickel mit der Mutter wor mei erster Weg von daham zu Dir Und Du host g'sogt: "Sie is' allan, des muaßt' versteh'n Ois vergeht, kumm, trink a Bier Dann host Du g'mant, das ganze Leb'n besteht aus Nehman und vül mehr Geb'n Worauf i aus Dein' Kost'n in der Nocht De poor tausend Schülling g'fladdert hob' Zum Verputzen in der Diskothek, a poor Tog' d'rauf host' mi danoch g'frogt I hob's bestritt'n, hysterisch 'plärrt, Dei Blick wor traurig, dann hob' I g'rehrt Du host nur g'sogt: "Kumm, loss' ma's bleib'n Göd kann gor nie so wichtig sein! [Strophe 2] Wann Du vom Kriag erzöh't host, wie Du an Russ'n Aug in Aug gegenüber g'standen bist Ihr hobt's eich gegenseitig an Tschick anbot'n Die Hand am Obzug hot zittert vor lauter Schiß Oder dei Frau, die den ganz'n Tog Dir die Uhr'n vollg'sungan hot Du host nur g'sogt: "I hob' sie gern I muaß net olles, wos sie sogt, immer her'n! [Refrain] Großvota, kannst Du net obakumman auf an schnö'n Kaffee? Großvota, i mecht Da sovü sog'n, wos i erst jetzt versteh'! Großvota, Du worst mei erster Freind, und des vergiß' i nie, Großvota [Strophe 3] Du worst ka Übermensch, host a nie so tan G'rod desweg'n wor da irgendwie a Kroft Und durch die Ort, wie Du dei Leb'n g'lebt host Hob i a Ahnung 'kriagt, wia ma's vielleicht schofft Dei Grundsatz wor: Z'erst überleg'n, a Meinung hob'n, dahinter steh'n Niemols Gewolt, olles bered'n, ober a ka Ongst vor irgendwem [Refrain] Großvota, kannst Du net obakumman auf an schnö'n Kaffee? Großvota, i mecht Da sovü sog'n, wos i erst jetzt versteh'! Großvota, Du worst mei erster Freind, und des vergiß' i nie, Großvota