Easy-F - Tghidni / تغيظني lyrics

[المقطع الوحيد] منينما نتلفت يلفت بصاري ماصاري فلحياة نهرب محوال نتاجي يجي حال شي وليات ما تكسب غير يد تطلب بيها حق لقوت قاعدة فوق أرض ظهرها ناشف باطنها ياقوت يغيضني حال الناس بصح علاه عمري ما بكيت Malgré كاينة ناس عايشة بين حيوط زانقل و صقفها تارنيت / كذبت اذا قلت تمنيت يسقم حال لعباد /لكلن انايا هنيت تغيضني منين ما منشوف ولاد صغار حفايا الدنيا سماتهم عرايا العريان ثيابو غلات الجيعان خبزتو تكلات ولات مهما نسات هذا الناس ما لقات بلاد بيهم لتات لكان لقلوب تموت لعيون تشوف لعجب لسنة تمد صوت كاين وذان تتعجب خمس حواس و الليما يحس بالبرد فالدفة ما يرغب كامل سمعنا بفوتنا جسادها بالنار تلهب تغيضني بنت لبلاد كيف كانت و كيف ولات كانت بنت اصل و مفصل بزين الربايا تحلات ولات بنت هوى تبات معلي تغوى بلاد كاملة ما لقات فيها مأوى ليه تأوى تغيدني كي نسمع ولاد لقاوهم فلي poubelles موتة /والديهم تخلاو عليهم الزمان تفوتة روح ملايكة حلال مات مات كي عاد ولد حرام بلا ما مد رايو في لحياة مات و تهنى بسلام تغيضني كي نشوف لمهابل في الطرق هايمة حالهم حال لمصاغر اللي عالندمة حياتهم قايمة ظنيتها حالة دايمة /و الدوام سرو عند فالق هاذ لكون باحكام/ زمان يحكم بحكامو شيوخ تايهة ساكتة عيونها تشوف لبعيد اللي فات شافو الحاضر عافو وين راه الجديد براءة تبكي ذنبها ليتم عليها الزمان غضبان لمن تمد جنبها تتلم بين كاش حضان نجوم السما متشابهة مانيش عالم فلاك ولاد لبلاد تايهة ما ظنيت كاين سلاك تايهة فلحياة ما عاشو ماضي يفوتو في الحاضر هات يجي الجاي ينسيهم في هاذا الضره نجوم مزينة ليالي باردة لراك حاب تروح لفلوكة ليوم ولات كي سفينة سيدنا نوح كل من كانلها راكب كان ضان يمنع الظلام ظلم الزمان سوادو في العين يسطع شكون يامن بحياتو يعيشها كيف ما كان لحال حوال لحياة تخليك تتمايل بين لحرام و لحلال حب لحياة ميزانها ذقال و الناس ميزان عمالها خفاف الكل مالموت يخاف و لبلاد غاب جمالها تغيضني منينما ولاد رماو والديهم ما تلم غي دور العجزة هاذا خير ضناهم سهرو عليهم ليوم رماوهم جيب قري و كبر غدوة يكبر على شر ضناك بابا أصبر تغيضني من رجال هجرو عيالهم بلا سبة كانو عايلة وحدة تلمهم كلمة لمحبة لمحبة ليوم غايبة ربي يجيب لخير بنادم يحير في الدنيا واش قاعد يصير تغيضني كي نسمع كاين مشاكل بين لخاوة فحياتنا هاذي علاش/زادت كثرت لعداوة ناس تاكل مال ليتامة بلاما تخاف ربي تغيضني مواش نشوف و نسمع زادت تعبت عصابي كاين والدين بسبة صغيرة يتلف بنو مدار صح زمان غدار / ما لقيت ما نقول فيه زمان اللابس يعريه و الناعل من نعلو يحفيه راني عارف بلي كلمة تغيضني ما تكفيه تغيضني مكلمة الصح اللي بيها راني مديون كاتب كلام واضح و لغامض شديد ملعون عارف روحي جاهل بصح تعرف ما شافت عيوني لحرف في لكتبة ساهل و الحبر سباب ديوني