Buio Pesto - Pertini lyrics

(D. Ageno) Ti t'è nasciuo in tò paise de Stella E a ciù luxente t'è diventou. Un Prescidente de tutta a gente, No ti sajè mai ascordou. Pè a tò fede tì t'è provou a prigion, Sette lunghi anni de reclusion. Durante a guæra tì t'èi un partigian, Ascoso in ti boschi cö o scciêuppo in te man Amiando lontan Un di ricordi de tì, quello dell'ottantedui, In pê in to stadio di spagnolli Cö-a tò pippa sempre streita forte in man, O tò orgoglio d'ëse italian. T'è rifiutou a grasia pè dignitæ Anche se a domandala a l'ea tò moæ. T'è stæto confinou tanto tempo Tanta pasiensa pè poei riturnà, Pè poeine aggiuttà. L'Italia a figgia e tì o poæ, tutta a tò umanitæ, Un vero eroe pè a nostra bella ma difficile e desperà nasion Sensa nasconde emoscion N'amigo dixeiva de tì, e tutti o poievan sentì, "qualunque cosa tì ti dixi o ti fæ, Odöa de puliscia e lealtæ E grande sinceritæ". Grasie, Prescidente.