Budding Dirt - Rapar Johnson O.Orony lyrics

Gokinyi ajohnny ogwal bade chieko owad gi pamela jaber,kibiere wuoyi maler ma wang'e rieny ka sulwe mane owuok nywol kristo ni oko rudho lake.Yaye olera ramuol wuod nyabilla peres .Thum mamuol ema ywak e ot e kinanda gi pado mopangi,Kabaselleh wero dunia mokili mos. Ne pod an kidoro pacha ne pod yom piny pok omera ka kwong' mitedo ka min sofy mwalo dudi.Minwa nyamirambe miyo machunye ler ka pii soko nitiere e jikon ruwo nyuka,ayaye min odiaga jasiport nyaginera machielo kado ma jogweng' duto pako.Nyauyoma naya ma orito dichwo maber,ajohny ruath ng'ute opugno.Nyithindo afya ber inyalo paro ni chiemo gi muofu. Omera ma steve gi odhis tugo oko piny oseru gimare,piny okwe winy ema iwinjo e tado karuto.Mabor bor awinjo dwond dawa,nyabila nyakamaye osiep chunya ma ong'eyo pidho nyikwayo.Minwa ma matedo na rabuon diere horo nyakwayo kik nind kech. Fred ? Wuonwa luonga,"bi ka ingwony na tienda".Adhi ngwech omera sama sibuor nyakwar nyangoya owuoyo.An ema ne arito dende pile ka angwonyo to ayweyo kogno.Omiyo ne an gi kinde mar bedo kode machiegni. Ja raha ma wuotho mana e dala gi agoge nono ,chuny mohero thum.Somo buge to ndiko,riek ka apuoyo mawinjo ni chando chomenyo loka god kisii. Jodongo donjo e pacho,"John,kare in pacho jatelo ing'eyo ni kawaneni to wawinjo ka chunywa omor kendo okwe?".Achiel kuomgi wacho.Wuonwa duoko mamuol,"an dala omera,wuoyi ber ma dhi manyo to paro ligala". "To ndalo mathoth? Aneno nyakumabor min nyithindo be ne uchopo go ? Nyithindi ruoth ogwedho tinde dongo," achiel kuomgi ne wacho.Wuonwa ng'ado thoge to gise ni,"Nyasaye osegwedha,freda mos welo.Mawuoda mar adek chal koda marach makata ruoth okao chunya sani to aseweyo kodhi.Hahaha ginyiero gite". Awuok aweyo gi,kuma jodongo dwa goyo mbaka rawera ok bedee....