Balti - Jey mel Rif lel Asima ( جاي مالريف للعاصمة ) lyrics

تم شرح و إضافة هذه الكلمات عن طريق الفريق العربي لموقع راب جينيوس ، انضموا إلى صفحتنا في الفايسبوك من هنا [اللازمة] جاي من الريف للعاصمة مخلي ورايا دعاوي لميما من عيلة فقيرة و بو زوالي لا سمعنا عمدة ولا والي [المقطع الأول] راكب فالواج سارح بافكاري نتذكر الفقر تشعل ناري فالصغرة مشينا قرينا عالكريطة في صغري نسخايل ماناش فالخريطة جاي لتونس بشهايدي و ديبلوماتي و كتاب قرآن مدتهولي مماتي ولد عمي تعرضلي فباب عليوة بعد الحملة و البوس شربنا قهيوة حكينا عالحاضر و الماضي وعلى الدشرة الفقر في دشرتنا صاحب عشرة لليوم أمي تجيب الما من السبالة و الشمس و القمرة في عوض المنقالة من باب عليوة للحبيب بورقيبة مشينا على ساقينا شفت الناس غريبة الدنيا زحمة الناس كلها تجري الخبزة غالية كلها تبيع و تشري الشارغ ضاوي على يمينك و يسارك و في دشرتنا شمعة تضوي دارك على ضو الشمعة قرينا و نجحنا جيت لتونس بالك فما خبر يفرحنا [اللازمة] جاي مالريف للعاصمة [المقطع الثاني] عديت أيامات بحدا بن عمي هوا يشكيلي فهمو وانا نشكي فهمي كمل لقراية و توا عامل نصبة كان مالحاضرين فاعتصامات القصبة وراني برشا خرم و برشا حكايات رد بالك اتبع السكرة و البنات برشا من أولاد جيهتنا مالوا لا خدمة لا والو عمل الي يحلالو عديت أيامات نلوج على خديمة بالك ديبلوماتي يولي عندها قيمة بابا باع أرضو باش أنا نتخرج ما نحبش يضيع عمري وانا نتفرج ثلاثة شهورنتسكع قدام الـ أفريكا من بلاصة لبلاصة ، شركة لشركة بالميتريز متاعي ندادي و نساسي ما هلكوا لبلاد كان الي شدوا الكرسي بدا يوفى عليا زادي و زوادي بالتيليفون نطمن في أمي و مماتي ديما حوالي عشرة على عشرة حشومة كان رجعتلهم فارغ للدشرة اضربني الصباط بين زناقي لمدينة نشوف في وجوه اولاد العم حزينة الي جاي مترز رصالتو مرماجي رصالتي كيفهم نلاجي و نلاجي [اللازمة] جاي مالريف للعاصمة [المقطع الثالث] مرة حمال و مرة في حظيرة تحت المنقالة تلمينا فتصويرة لمالي في بالهم بلي وليدهم هاني حالي و و حال الدشرة هو الي بكاني غربة بين أولاد العم و أولاد العمة غنايتنا كل ليلة توحشتك يما ادعيلي بالك ربي يسهلهالي ربي وحدو هو الي عالم بحوالي في قلبي برشا غصة و برشا حصرة وينك يمي نتوحش من يديك الكسرة شكون لي حاسس بلي ولد الريف يعاني تقول عاملين بالعاني ولد ال يف براني ضربتنا لحيوط و ضربتنا البطالة و القاري فينا شادد البيوش و البالة كاذب على بنت العم نخدم بنكاجي و أنا مرة بار-مان مرة قهواجي من قهوة لقهوة و من تبرنة لتبرنة سكرنا بكاس المر و بكينا على زهرنا ولد الريف يسوفري و الريف يبكي علينا شنيا ذنبنا فالريف حلينا عينينا [اللازمة] جاي مالريف للعاصمة مخلي ورايا دعاوي لميمة من عيلة فقيرة و بو زوالي لا سمعنا عمدة ولا والي جاي مالريف للعاصمة