Suhell Nafar - A letter from prison ( رسالة من زنزانة ) lyrics

[اللازمة] لا تبكي يما خسارة على دموعك لا تبكي يما مطر دموعك بيطفي النار الي فيا ابكي يا ابني اشتقت لدموعك ابكي دموعك بتروي الحضن الي فيا ، ابكي يا ابني [المقطع الاول - سهيل النفار] إلى أمي الحبيبة مقهور لأني في البيت و أنتي الأسيره بلوموني لأني بالخارج و إنتي بالداخل عار على اللي ما بعترف بدور النساء المناضل طول حياتك حامله القضية إنسجنتي وانتي حامل فيي أول بكاء إلي كطفل كان فيه صرخة, صرخة حرية عظام طرية , قضبان قاسيه أنا أسير إبن أسيرة الطفل الوحيد بسجن نساء إنولدت بالسجن وانتي لسا عايشه غاد كطفل كلبشاتك كانو ألعابي ‏‎كنتي ترضعيني بالوعي فا ربيت واعي ‏‎أكبر فرحة كانت لما طلعلي سن ‏‎ما شفت أبوي بس كان لي أكتر من أم [اللازمة] [المقطع الثاني - محمود جريري] أيام تمر، أيام تروح وأنا دايق المر، أسمي زي الكل ، أسير أو معتقل ، بعدها بيجي أي رقم البني متوفر أي لون تاني انعدم مصير الأحرار أنها تنظلم، هيك سمعت بس ما فهمت لحد ما أنحبست صغير لدرجة اني لسا ما لحقت أسمع أي صديق أي صديق يسألني : تجوزت ؟ بفكر بشو عملت؟ بقول الواجب بفكر بشو تركت؟ أمي ووطن حادد واذا فكرت بالوالد هايو بشاركني بنفس البرد وبنفس الخبز اليابس وبنفس الشمس مش اللي على دائرة تنرسم شمسنا بمربعات صغيرة تنحصر بفكر بالندم؟ نعم ، على أني أنمسكت ولسا شعبي بالظلم ينحكم [اللازمة] [المقطع الثالث - تامر النفار] متخيلك ملاك ، فستان أبيض وترحة ريتني جنبك تأشاركك بهالفرحة خطفوني لوقت غير محدد قبل ما تلفظي بابا سمعتي حكم مؤبد عندي اليوم والغد كلمات مرادفة أسمي سجين أمني عمري 20 رزنامة المفروض معازيم أستقبل ، فاصلة أبتسم ، فاصلة ، أعبطكم وأدبك ، نقطة ريت الحفيد يحضن سيدو الرطوبة عجلّت الداء ودواءهم فات تاريخو كنت لازم دم أتقيّأ، تالسجان يتحرك هاد مستشفى أم فضاء؟ كلهم بكمّامات وأنا بكلبشات عالسرير ماهو فش جاذبية خايفين أطير لا تأجلي الفرحة ، بحكي للصورة بحكيكي طريق صورة ريت البطولة أختيار ، يا ريتها مش مفروضة