[Intro]
Langsam find't der Tog sei End, und die Nocht beginnt
In der Kärntnerstroßen, do singt ana Blowing in the wind
Hot a grianes Reckerl an, steht do ganz verlur'n
Und der Steff'l, der schaut obi auf den ormen Steirer Buam
Der hat wulln sei Glück probiern in der großen, fremden Stodt
Hot glaubt, sei Musik bringt eahm aufs Rennbahnexpress-Titelblatt
Aus der Traum, zerplotzt wie Seifenblosn, nix is bliebn
Ois wie a paar Schilling in seim Gitarrenkuffa drin
[Strophe 1]
Wochenlang steh' i scho do, wochenlang plog i mi oh
I spül mir die Finger wund und sing sogor "Do kummt die Sunn"
Doch es ist zum narrisch werd'n, kana wüll mi singan her'n
Longsom kriag i wirklich g'nua, i frog mi wos i do dua
Do geht den gonzen Tog der Wind
Nix ois Baustelln, da** ka Mensch wos find
Die Burenhäut'ln san ein Graus
Und im Kaffeehaus brennst di aus
[Refrain]
I wüll wieder ham, i fühl mi do so allan
I brauch ka große Wölt, i wü ham nach Fürstenföld
[Strophe 2]
In der Zeitung, do hom's g'schrieb'n
Do gibt's a Szene, do muaßt hin
Wos die woll'n, des soll'n sie schreib'n
Mir konn die Szene g'stohl'n bleib'n
Da geh' i gestern ins U4
Fangt a Dirndl an zum Red'n mit mir
Schworze Lippen, grüne Hoar
Do kannst ja Angst kriag'n, wirklich wohr
[Refrain]
I wüll wieder ham, i fühl mi do so allan
I brauch ka große Wölt, i wü ham nach Fürstenföld
[Strophe 3]
Niemals spül i mehr in Wien
Wien hot mi gor net verdient
I spül höchstens no in Graz
Sinabelkirchen und Stinatz
I brauch kan Gürt'l, i brauch kan Ring
I wüll z'ruck hinter'n Semmering
I brauch nur des bissl Göd
Für die Fohrt noch Fürstenföld
[Refrain] (2x)
I wüll wieder ham, i fühl mi do so allan
I brauch ka große Wölt, i wü ham nach Fürstenföld