(Jack Poels)
iederien het mei van die daag
dan hedde krampe in ow maag
en enne kop vol met beton
al wat ge dud dat giet verkierd
proat of ge noeit wat het gelierd
alles wat fout kan goan giet fout
joa joa dat haj ik vurrige weak
'k stong op de brug boave de beak
'k woj wat ruumte um meej hin
en toen inens 't ging hiel vlug
'k vulde 'n hand op miene rug
'n moeie megjesstem die zei
wilde geej vannacht nog goan
of bliefde heer vort altied stoan
ik zei nou en en wat dan nog
of ik baal toes of ik baal heer
dat keumt toch op 't zelfde neer
ze lachte en ze keek meej aan
ik denk neet dat ge 't geluufe zult
mar met wat proate en gedeuld
en wat geluk komde 'n end
ik zei alsteblif nou genne preak
da spring ik nou nog in de beak
en de moan lachte meej oet
't waas al merge 't woord wir licht
en met mien oege half dicht
zei ik ien ding begriep ik neet
weej hebbe veul geproat vannacht
alles wat neudig waas gezagd
mar stel ik staj wir op die brug
ik bin wir in rottigheid verzeilt
alles is ongeliek verdeild
ze zei dan pakte geej 'n pen
schrief wat ow dwars zit op papeer
pak de gitaar en 'n fles beer
ik huur wal wat ge d'r van makt