Helas madame, celle que j'ayme tant:
souffrez que soye vostre humble servant;
vostre humble servant je seray a toujours
et tant que je viv'ray ault' n'aymeray que vous.
Hellas, beau sire, vous estez bel et bon,
sage et courtoys et de noble maison.
Et aussi bon que l'on scairoit finer,
mais cil que j'ayme, ne scairoye oublier.
Hellas, ma dama, pences en vostre cas:
entre nous deulx ne fault point d'avocatz:
certes non pas, et vous le scavez bien.
Allex vous en, car vous ne faictez rien.
Mon cueur souspire et se plaint tendrement,
quant il ne peult trouver allegement.
Ne scay comment on me veult decha**er;
s'il est ainsi, j'ayray ailleurs cha**er.
Hellas, ma dama, et n'en seray-je point?
Certes beau sire, je ne le vous dis point.
Servez a point: il vous sera mery.
Hellas ma dame, de bon cueur vous mercy.