It kee dukkee pan kaa ikka
Kahee jokar kahee satta hai
Suno jee yeh kalakatta hai
Talee ganj kee jhil pe babu aae rup ke das
Jhil kinare badhatee jae matavalo kee pyas
Naa pocket me mal hai babu, naa kapada naa latta hai
Suno ji yeh kalakatta.....
Chaurangi ke chauk me dekho matavale bangalee
Rasagulle see mithee bate inakee shan niralee
Kahee benarjee kahee mukarjee, kahee ghosh kahee datta hai
Suno ji yeh kalakatta.....
Yeh bastee hai aag kaa dariya isame havada pul hai
Apanee jan bacha lo babu varana dibba gul hai
Sar par panv rakh kar bhago katane vala patta hai
Suno ji yeh kalakatta.....