(Nafarat ki lathi todo lalach ka khajar pheko
Zid ke pichhe mat daudo tum prem ke pachhi ho
Desh premiyo
Desh premiyo aapas me prem karo desh premiyo
Mere desh premiyo aapas me prem karo desh premiyo) - (2)
Dekho ye dharti ham sab ki mata hai
Socho aapas me kya apna nata hai
Ham aapas me lad baithe to desh ko kaun sambhalega
Koi bahar vala apne ghar se hame nikalega
Divano hosh karo mere desh premiyo
Mere desh premiyo aapas me prem karo desh premiyo - 2
Mithe pani me ye zahar na tum gholo
Jab bhi kuchh bolo ye soch ke tum bolo
Bhar jata hai gahra ghav jo banta hai goli se
Par vo ghav nahi bharta jo bana ho kadvi boli se
To mithe bol kaho
Mere desh premiyo aapas me prem karo desh premiyo
Todo divare ye chaar dishao ki
Roko mat raahe in mast havao ki
Purab pashchim uttar dakkhin valo mera matlab hai
Is mati se puchho kya bhashha kya iska mazahab hai
Phir mujhse baat karo
Mere desh premiyo aapas me prem karo desh premiyo - 2