Maili chaadar odhke kaise
Dwaar tumhaare aaoon
Hey paavan parameshwara mere
Man hi man sharmaaoon
[maili chaadar …]
Tune mujhko jag me bhejaa
Nirmal dekar kaayaa
Is sansaar me aakar maine
Isko daag lagaaya
Janam janam ki maili chaadar
Kaise daag chudaaoon
[maili chaadar …]
Nirmal vaani paakar tujhse
Naam na teraa gaayaa
Nain moondhkar he parameshwar
Kabhi naa tujhko dhyaayaa
Man veena ki taaren tooti
Ab kyaa geeth sunaaoon
[maili chaadar …]
In pairon se chal kar tere
Mandir kabhi na aayaa
Jahaan jahaan ho poojaa teri
Kabhi naa sees jhukaayaa
Hey harihar main haar ke aayaa
Ab kyaa haar chadhaaoon
[maili chaadar …]