[ الدخـلـــــــة ]
... آآآآآه ... شمسو ديزاد ... اوكــي
Fennec Records
[ المقطـــع الأول ]
الدنيا صغيرة , مكالاه تسيي تتكبر
الناس تحب فــ الدنيا انا نعنق فــ شجرة الصبار
ما راح نصبر خايف عــ الارض انايا نغمها
ما تحكيش بــ الرجلة وانا الريحة منّك نشمها
كيفاش نعيشو هنينا هنا نذوقوا فــ المر
في طريق كار الرجلة قاع راطاو الكار
شفنا غير العار, تعيش هنا تشبع ذل
Fidèle ياك الدنيا هنا كلبة ، مافهمتش وعلاش ماراهيش
قريب نروح منا ايه ، ما تكومبارينيش مام فــ الليستا
هنا مام تمشي عريان ، يقولو عليك تقلب الفيستا
ماما ما راح نسمح فيك ، ما ندير الشّر نمسح فيك
ماراهو وليد الــسفير malgré ، وليدك صوتو لحق صافي
انا ما شكيت من ديقات ، يعيط شهر وانا نكوبي
ما نحطك فوق راسي ما نلوبي ، jeu d'échec بلادي كي شغل
A la césar الدنيا تاطاكي ، bizarre شايف لي صرا كلش
خايف تبكي يما لعزيزة ، وليدك راح بعثولو الفيزا
[ الــــلازمـــــــــة ]
شايف العيب بــ عيني ، يما طالب تسامحيني
يا رايح وين مسافر ، غير ارواح معاك اديني
بلاد الغربة نسيني ، في كاش كوينة ارميني
مشيا تمّا تهنيني ، نروح قاع هنا وخلوني
خلوني نروح نروح نروح ، نروح هنا و خلوني (x4)
[ المقـــطع الثـــــــــانــي ]
حايب نسكت خير ، ما تسقسيش اذا راني بخير
هنا لي تعطيلو يدك انسى يرجعلك الخير
تربينا و جامي تلقاني هنايا انا لي نتبلى
الدنيا لالا ما نحلبهاش ، مام لوكان تكون زلّة
ماشي انا تمنيتها ، ما تعنقينيش يا الشهرة
ياك خاطيني المخلطة نطلع نهبط و سهرة
الراب حاب يديني ، وانا حاب نتعنق ديني
Les Beignets خليني نعوم بحري ، خص غير لي يبيع
وحدي لي بنيت طريقي ، ما نسناش الباقي
ما طلش عليا الربح ، حتّان كسّرت قاع التواقي
كاين لي ما كبرش في راسو ، مام لوكان تجيبلو ساقي
بيك قلبي ما يولي مسكون وما نحوسلو على راقي
راني شايد عــ الشعرة شحال من واحد منا نطيح
نتا ما تكبرش في عيني مام لوكان تاكل مليح
وقلبهم قاع مات ، علابيها وليت ما نلوم
كاين لي نعطيهم عيني غير برك ما نزيدش نشوفهم
بالاك تسمعك ياما ! et oui الغربة تعيّط
كاين لي راسهم يابس علابيها نرميلهم الماء
ما نشد حتّى شمعة ، ما نضوّي لي قلبو كحل
هنا لي سكّنتلو لامان ، ارفد كابتو و رحل
نروحوا منّا ... نديروا الــ لّما ... معيشة تمّا ... شان وهمّة
[ الــــلازمـــــــــة ] (x2)
شايف العيب بــ عيني ، يما طالب تسامحيني
يا رايح وين مسافر ، غير ارواح معاك اديني
بلاد الغربة نسيني ، في كاش كوينة ارميني
مشيا تمّا تهنيني ، نروح قاع هنا وخلوني
خلوني نروح نروح نروح ، نروح هنا و خلوني (x4)
خلوني نروح نروح نروح ، نروح هنا و خلوني (x4)