Almanyaşe moxťu ǯulu da sǩani
Yasini giziťu son ruhi sǩani
Sabaha giyondrit başuci sǩani
Allah eǩḉopu do muya ṕat çona
Çoyişe viyonit cenaze sǩani
Yeçun kogvapines tabuťi sǩani
Gimbones ginʒxones opşa cimsǩvani
Allah eǩḉopu do muya ṕat çona
Meleğepek goginǯes ar toli sǩani
Son defa koziri milleťi sǩani
Ǩalabaluğ orťu duğunci sǩani
Allah eǩḉopu do muya ṕat çona
Hatira pşinaxum şeyepe sǩani
Dudis molomizun yasťuği sǩani
Ham dunya domayu axir zamani
Allah eǩḉopu do muya ṕat çona
Kodologocinit mezare sǩani
Leťa keyovobğit msǩva teni sǩani
Xocepek giziťes son dua sǩani
Cenneťi dogayas mezare sǩani
Allah eǩḉopu do muya ṕat çona