السلام عليكم و رحمة الله تعالي و بركاته
معاكم عزو ، رابر جزائري ، هاذي لا فيديو درتها ميساج لـ وزير العدل ، رسالة إلى وزير العدل و إنشاء الله نلقى ردّ منّو هو شخصيا
يا سي الوزير أنا أرتيستْ ...أنا فنان ، وقفت مع البلاد في محنة كبيرة ، وقفت معاها كيما نقولو خلّيت الناس يقولو عليا "شيات" يقولو عليا "تاع دولة" ، خلّيت الناس يقولو آم عطاوه السوارد ، واحد يقلّي سلاّل عطاك السوارد ، واحد يقلّي السعيد عطاك السوارد ، واحد يقلّك آم عطاوك السوارد ...ألوركو أنا و الله العلي العظيم وقفت على قناعة لأني إنسان نحب البلاد و نحب العلام فهمت ؟ نحب العلام و الحمد لله الناس تعرفني ، الآن حاب نسقسي برك حبّيتْ نسألك : حنا نعرفو العدالة ، و نعرفو بلّي بلادنا فيها عدالة و نعرفو بلّي العدالة و العدل هو واحد كي يسرق يدخل الحبس ، واحد كي يقتل يدخل الحبس ، واحد كي يتعدّى على إنسان يدخل الحبس ، كل ما هو غير شرعي يدخل الحبس . بصّح سيدي الوزير واحد ما دار والو ، واحد ما دار حتشي ، طفل صغير 21 سنة ، جبدوه في أفير ما عندُو فيها حتّى دخل ، حاب نفهم و علاه تعطيوه 5 سنين ؟ هذا خويا سيد الوزير ، خويا خويا الصغير يخدم معايا في حانوت ما خصًّو والو الحمد الله ، يعني عايش طرونكيل السوارد ديما في جيبو ، عاقل طفل حنين جونتي يحب الموسيقى ، يحب السْبور ، يحب.. الناس الكل تشهد عليه في عنابة تشهد عليه أنُّو إنسان متربّي و إنسان عاقل... جبدوه في أفير ما عندو حتّى دخل ، و ما عندو حتى علاقة في لافير لي جبدوه فيها ، عطاوه 05 سنين ا سيد الوزير ...فهموني و علاه تمدّو لخويا 5 سنين ؟ اسكو هي مؤامرة داروهالي ليا أنا ؟ يخلّصها خويا ؟ دارولي مؤامرة سيدي الوزير ، باسكو أنا وقفت معاكم ، وقفت مع الدولة ، و قفت مع العلام ، يروح خويا يخلصها ؟ حاب نفهم حاجة وحدة برك : ميساج للجوجة هذي لي حكمت عليه : خويا اسكو لقيتي دليل قاطع ولاّ دليل صغير يعني 1 غرام لي تبيّنلك بلّي خويا في لافير هاذيا؟ ألوركو الطفل لي حكمتوه معاه كي قلتيلو واش تطلب؟ قالك : الطفل هذاك آو خاطي آو يخرج ، هذاك واش نطلب ، ما حبّش يطلب البراءة باسكو عمبالو بلّي هو لي دار لافير ، قالك الطفل هذاك يخرج من الحبس باسكو ما عندو حتّى علاقة بالحبس ، تروحي تحكمي عليه 5 سنين ؟ فهموني برك ... فهموني كيفاه تحبّونا نديرو فيكم كونفيونس و نحبّوكم و نحبّوا البلاد و نحبّوا نديروا و نديروا فهمونا كيفاه ، حابين تهبلونا ؟