Adoula [Desert Boys] - Samidoune / صامدون lyrics

[Lotfi DK & Adoula : اللازمة] عين صالح راهي صامدة قدّاه من سنة و هي صابرة راسها مرفوع و ديما تبقى تعلّي صوتها ولاد الصّحراء رام هنا ، ديما حرار شعب واعي ، شعب واقف ، شعب حار عين صالح راهي صامدة قدّاه من سنة وهي صابرة راسها مرفوع تهدر الحق مهما يصرالها ولاد الجنوب تحب الخير للبلاد تحب الوحدة تحب العدل بين العباد [Adoula : المقطع الأول] منّي ليك clair جايك من وان وان (11) جايب ميساج Des frères حل وذنيك يخي حنايا قاع "non au gaz de schiste" خويا القضية باينة و الله ما نسكت عـ الشيت بلادي غالية ماشي شيب خويا ما نكرهوا الدولة بصح نكرهوا الغولة لي باعت لبلاد لي تكره كلمة الرجال لفحولة حنا ولاد الصحراء يسمونا des violents ماناش عندنا كلمة و عندنا قضية و لازم تسمعونا آآي عشنا التهميش هاذوا سنين كبار صغار مسنين في بلاد الخراب منسيين نورمال الفايدة فالدراهم خلّي الشعب يموت و انساه نورمال طاح البرميل ضحي بالشعب خليه يتهالك نورمال براس أمّا و الله ما تربحوهاش ما تقيسوهاش non non بلادي غالية لا ما نسيناهاش واحنا ما نخلّوهاش الحقرة ما نحبوهاش ولاد باديس ماشو باريس أفهمني مليح ماتنساهاش [Lotfi DK & Adoula : اللازمة] عين صالح راهي صامدة قدّاه من سنة و هي صابرة راسها مرفوع و ديما تبقى تعلّي صوتها ولاد الصّحراء رام هنا ، ديما حرار شعب واعي ، شعب واقف ، شعب حار عين صالح راهي صامدة قدّاه من سنة وهي صابرة راسها مرفوع تهدر الحق مهما يصرالها ولاد الجنوب تحب الخير للبلاد تحب الوحدة تحب العدل بين العباد [Lotfti DK : الجسر](x2) (عـ الغاز الصّخري قالوا لا (قالوا لا ... قالوا لا (و على التّخريب آم قالوا لا (قالوا لا ... قالوا لا (عـ الظلم و الحقرة قالوا لا (قالوا لا ... قالوا لا (عـ النّار و الفوضى قالوا لا (قالوا لا ... قالوا لا [Lotfi DK : المقطع الثاني] اسمعني اسمعني كلامي مشّو للرايس مسكين راو ما يسمعناش كلامي راو للسّعيد لي سيّر فيهم كيف الكباش حاب يضحّي بينا بلاش ، آه يا صاحب السّمو ما تحشمش تضرب النّاس و هوما في ساحة الصمود النساء تاع عين صالح نوع خاص من الحريم احترامًا لهذو الحواري حنايا كلنا ننحنيو رجالهم من حديد قلب صافي و نفس مؤمنة شيخ من عين صالح خير من عشرة عباد من الحكومة وزير الدولة مهبول حبيبي Les Bébés قولوا أنت هو لي راسك فيه ليكوش تاع و الله ديما ديرلي الضيقة télé' تصريحاتكم فالـ ما فهمناش هاذيكا ناقة ولّى صح وزيرة البيئة عديكا درتولنا ديغا جبتولهم ميليشيات خطاك شفتوا ولد الصحراء راجل صح ماشي شيات الشباب الشيّـاب كلها دافع عـ بلادها من وهران لـ قالمة من تمنراست لـ عنابة [Lotfi DK & Adoula : اللازمة] عين صالح راهي صامدة قدّاه من سنة و هي صابرة راسها مرفوع و ديما تبقى تعلّي صوتها ولاد الصّحراء رام هنا ، ديما حرار شعب واعي ، شعب واقف ، شعب حار عين صالح راهي صامدة قدّاه من سنة وهي صابرة راسها مرفوع تهدر الحق مهما يصرالها ولاد الجنوب تحب الخير للبلاد تحب الوحدة تحب العدل بين العباد [Lotfti DK : الجسر](x2) (عـ الغاز الصّخري قالوا لا (قالوا لا ... قالوا لا (و على التّخريب آم قالوا لا (قالوا لا ... قالوا لا (عـ الظلم و الحقرة قالوا لا (قالوا لا ... قالوا لا (عـ النّار و الفوضى قالوا لا (قالوا لا ... قالوا لا [Lotfi DK & Adoula : المقطع الثالث] مالا شوف يا حضرات خلّيك من الضرب تاع المطاط الصحراء بلاد حضارات يهدروا كـل بـ لغة الضّاد لكان درتوا غلطات ربّي يسامح ربّي يخلف لبلاد كان تتخرب كلنا خاسرين واحد ما يغلب مشنا متمرّدين ، كاين التربية و الدّين شعب واعي ، قاري ، مثقف ، مانحبوش المفسدين عين صالح أرض الشعب الزّين عين صالح أرض الشعب الرزين ربي يفرج عـ بلادي و قاع المسلمين [Lotfi DK & Adoula : اللازمة] عين صالح راهي صامدة قدّاه من سنة و هي صابرة راسها مرفوع و ديما تبقى تعلّي صوتها ولاد الصّحراء رام هنا ، ديما حرار شعب واعي ، شعب واقف ، شعب حار عين صالح راهي صامدة قدّاه من سنة وهي صابرة راسها مرفوع تهدر الحق مهما يصرالها ولاد الجنوب تحب الخير للبلاد تحب الوحدة تحب العدل بين العباد [Lotfti DK : الجسر](x2) (عـ الغاز الصّخري قالوا لا (قالوا لا ... قالوا لا (و على التّخريب آم قالوا لا (قالوا لا ... قالوا لا (عـ الظلم و الحقرة قالوا لا (قالوا لا ... قالوا لا (عـ النّار و الفوضى قالوا لا (قالوا لا ... قالوا لا .لا للغاز الصخري